Mu dhèidhinn Stòras Shlèite
‘S e pròiseact dualchais a th’ ann an Stòras Shlèite a tha a’ cruinneachadh agus a’ taisbeanadh dualchas beartach na Gàidhlig ann an Slèite. Tha am pròiseact air a stiùireadh le Leabharlann an t-Sabhail Mhoir agus air taic fhaighinn bho Bhòrd na Gàidhlig agus Sabhal Mòr Ostaig.
Prìomh amasan a’ phròiseict
- Gun tèid nithean ann an tasglann an t-Sabhail co-cheangailte ri Gàidhlig Shlèite a chruinneachadh – ceòl, orain, beul-aithris, litreachas, agallamhan, dualchainnt, ainmean-àite is eile – is a cho-roinn le muinntir Shlèite.
- Gun tèid fiosrachadh co-cheangailte ri Gàidhlig Shlèite o thaobh a-muigh na Colaiste a chruinneachadh – òrain, sgeulachdan, litrichean, dealbhan is eile.
- Gun dèan sinn agallamhan ùra anns an sgìre le muinntir Shlèite.
- Gun tèid làrach-lìn a chruthachadh don choimhearsnachd.
- Gun tèid goireasan foghlaim a dhèanamh gus an cuir clann na sgìre tuilleadh eòlais air dualchainnt Shlèite is air a bheartas ann an dualchas an àite.
Bha sinn gu mòr airson is gu bheil muinntir Shlèite an sàs bhon toiseach agus gun teid againn air goireas luachmhor a thoirt air ais don choimhearsnachd.
